|
Martzelino Soroa: Ezer ez, eta festa – Toribio Alzagaren bertsioa 1922
|
XI Lehengoak eta Xoluerdi
|
Xoluerdi: (Krabak eskuan dituela abestuaz sartzen da) Txintata txinta txinta, txintata txinta txin (Juxtori bere aurrean jarriaz) Juxto! Krabak! Niretzat, niretzat. Nik mauka-mauka jateko. (Batixtari) Lantokiko txoko batean gordeta aurkitu ditiat.
Juxto: Ekar itzak hona kraba horiek, nireak dituk-eta. (Gogorrean kentzen dizkio)
Xoluerdi: E? Nola?
Juxto: Geldirik ez bahago, sudurra xehatuko diat, ezkailu, kirten horri.
Xoluerdi: Baina, nola izan litezke zureak, nik bilatuta?
Juxto: Batixtak esango dik.
Kaximira: (Xoluerdiri usoa erakutsiaz) Zu, zu... ez zenuen zuk gure usorik gorde, e?
Xoluerdi: Baina, nondik duzu uso hori?
Kaximira: Batixtak esango dizu.
Xoluerdi: (Batixtari) Aizak, hi: baina zer gertatu da hemen?
Batixta: Hemen? Ezer ez, eta festa.
ZAPIA JAISTEN DA
|
