 |
|
|
|
Erreportajea
|
Eguberrietako Nazioarteko Txapelketa
|
|
|
Abenduaren 29an jokatuko da, Ordizian, Eguberrietako Nazioarteko Igeriketa Txapelketa. EAEn antolatzen den igeriketako proba garrantzitsuena da honako hau, eta aurten ere nazioarteko izar asko bilduko dira bertan. Goizeko 10:00etan hasiko dira kanporaketak 25 metro luzeko igerilekuan, eta arratsaldeko 18:00etan hasita, finalak jokatuko dira (ETB1). Baina hitzordu garrantzitsu honez gain, igeriketako lehiaketa gehiago ere egingo dira, Gipuzkoan, datozen asteotan. Abenduaren 24ean, Eibarko XVII. Gabon Kopa jokatuko da 10:00etan hasita, eta urtarrilaren 14ean, Euskal Herria Ligako hirugarren jardunaldiaren txanda izango da Bidebietako igerilekuan, 10:00etatik aurrera.
|
|
Igerileku Olinpikoaren Ezaugarriak
|
Luzera: 50 metrokoak dira (olinpikoak ez direnak 25 metrokoak ere izan daitezke).
Zabalera: 25 metro.
|
Sakonera: 2 metro, gutxienez.
Uraren tenperatura: 25-28 grado artean. Lehiatzeko unean, uraren tenperaturak ez du aldaketarik izan behar.
Kale kopurua: igeri egiteko 8, eta ertzean beste 2, hala igerilariak pareta jotzerakoan sortzen duen olatuen mugimendua murrizteko.
Kaleen zabalera: 2,5 metro.
Kortxo-ilarak: 9 dira guztira, eta horiek igerilekua 10 kaletan bereizten dituzte (8 kale soilik, lehiatzeko). Kortxo-ilarek, igerilariak bereizteaz gain, igerilariaren mugimenduak sortutako olatuak saihesteko balio dute.
Irteerako plataforma (start block): finko eta ondo helduta egon behar dute; uretatik 0,5 edo 0,75 metrora.
|
|
| |
 |
 |
|
|
|
 |
