 |
|
|
|
Mitoa
Azpiazu, Dico´s taldearekin jokatutako partidu batean errebotea hartuz.
|
|
Segundo Azpiazu saskibaloilaria
|
|
2,10 metroko gizakotea
|
|
1960ko hamarkada amaieran eta 1970eko hamarkadaren hasieran, Espainiako saskibaloian zegoen jokalari altuenetakoa zen Segundo Azpiazu donostiarra. Talde ezberdinetan zortzi urte egin zituen elitean.
|
Sorlekua: Donostian jaio zen duela 62 urte.
Saskibaloian, lehen urratsak: 17 urterekin hasi zen saskibaloian jokatzen, Atletiko San Sebastián taldean.
Txikitatik, altua, oso altua: Segungo Azpiazuk berak aitortu digunez, «betidanik, txikitatik izan naiz oso altua, eta 14 urterekin jada, bi metro luze izango nintzen!»
Kirol ibilbidea: hamasei urte egin zituen saskibaloian: «9 urte Atletiko San Sebastiánen, 2 Barcelonan, 3 Kasen eta azken bi urteak Donostian, Askatuakekin. Askatuaken izan nintzen lehen urtean, taldeak Dico´s izena zuen eta bigarrengoan, Dicoproga».
2,10 metro: garaiera horrekin, Espainiako saskibaloilari altuena izan zen. «Nire altuera zuen atzerritarrik ere ez zegoen. Lehen Mailan, oraingo ACBren parekoa zena, 1967. urtetik 1975era jokatu nuen».
Oroitzapen onenak: «Atletiko San Sebastiánekin Lehen Mailara igo ginen denboraldi hura. Reala Lehen Mailara igo zen denboraldiarekin egokitu zen, 1966-67 sasoia hain zuzen ere».
Oroitzapen txarrak: Azpiazuk ez du gogoan bat bereziki, «baina beharbada, jokalari izateari utzi nion une hura izan zen saskibaloian bizi izan dudan une tristeenetako bat».
Saskibaloia utzita: Jokalari izateari utzi, eta Askatuakeko entrenatzaile izan zen denboraldi batez. «Egun, zeharo `deskonekatuta´ nago. Ez naiz partidu bat ikustera joaten, eta ikusten dudan apurra, telebistaz».
|
Askatuak taldean ere entrenatzaile lanetan jardun zuen.
|
Hamasei urte egin zituen Segun Azpiazuk saskibaloiko elitean.
|
|
| |
 |
 |
|
|
|
 |
