 |
|
|
|
Agenda... eta gehiago
|
Behobia-Donostia eta maratoia
|
|
|
Atletismoko hitzordu garrantzitsuak antolatzen dira azaroan, Donostian. Hala, azaroaren 11n Behobia-Donostia lasterketa jendetsua jokatuko da, eta hilaren amaieran, azaroaren 25ean, Donostiako Maratoia. Ikuskizun ederra izango da, beraz, Donostiako kaleetan.
|
Ziklo-kros lasterketak Orion eta Asteasun
Ziklo-kros denboraldiko bi proba jokatuko dira datozen asteotan Gipuzkoako lurretan. Hala, azaroaren 11n Orion ariko dira txirrindulariak eta abenduaren 6an, berriz, Asteasun. Modalitate honetako espezialista onenak lehiatuko dira bi tokietan.
Igeriketa lehiaketa, Bidebietan
Neguko Probintzien Ligako estreinako jardunaldia jokatuko da azaroaren 17an, Bidebietako igerilekuan. Arratsaldeko 16:00etan hasiko da lehiaketa, eta ikusi egin beharko da igerilariak zein sasoi puntutan datozen.
Dantxarinea aldean txangoa
Vasco de Camping elkarteak Dantxarinea-Gorospil (691 m.)-Zuharreteako lepoa-Trois Croix-Erebi (583 m.)-Ainhoako baseliza- Dantxarinea ibilbidea antolatu du azaroaren 25erako. Informazioa, 943271866 telefonoan.
Beirasar Rosalia eta Los Barrios, Illunben
Bruesa Gipuzkoa Basketek sailkapeneko goialdean dabilen Beirasar Rosaliaren bisita jasoko du azaroaren 16an. Hil honen 30ean, berriz, hasieran behintzat aurkari samurragoa gerta daitekeen Villa Los Barrios izango du aurrez aurre.
|
|
| |
 |
 |
|
|
|
 |
