1.007
Donostiarrak Klubak eta EHUk antolatzen duten Udaberriko Lasterketaren seigarren ekitaldia festa giroan burutu zen Donostian. Proba honek 1.007 lasterkari erakarri zituen honakoan, eta horietatik 914 iritsi ziren helmugara.

51 urte
Joxemiel Peñagarikano aizkolariak 51 urterekin esan die agur txapelketei. Urrezko Aizkolarien lehiaketan parte hartzeko asmoa zuen aurten, baina, azken hiru urteotako emaitza eskasen ondorioz, lehia uztea erabaki du.

1.165
Partaidetza errekorra hautsi du aurtengo Azkoitia-Azpeitia maratoi erdiak. Guztira, 1.165 lasterkari bildu ziren. Bi kenyarrek irabazi zuten: gizonezkoetan William Cheborrek, eta emakumezkoetan Margaret Atudonyangek.