Kirola egiteko
instalazio berria eta txukuna estreinatu berri dute
Axular Lizeoan. 72 metroko luzera eta 24ko zabalera ditu. Pilotalekua,
minibasket zelaia, areto-futboleko zelaia, saskibaloi pista handia eta
minibasketekoa ditu. Eraikinaren alde batean, gainera, harmailak egin
dituzte,
eta horien azpian, aldagelak, «handiak eta
itxurosoak».
Lurra
ere asfaltatu egin dute, hezetasunari aurre egiteko. «Lehen
arazo handia genuen hezetasunarekin eta, horren ondorioz, batzuetan
partidak
bertan behera utzi behar izaten genituen», esan digu Jon Kepa
Eguren,
ikastetxeko futbol eta areto futboleko arduradunak.
Lagun taldeak
Axularren
erabateko garrantzia ematen diote kirolari aspaldidanik.
Hona hemen datu esanguratsu bat: kimu maila bitartean, ikasleen %89k
hartzen du
parte eskola kiroletan. Jon Kepak esandakoaren arabera, urte askotako
lanaren
emaitza omen da hori. «Umeak inplikatzea lortu dugu, gainean
egon garelako.
Kirolaz arduratzen garenok (Jon Kepa Eguren, Bittor Arrondo eta Aitor
Uriondo)
irakasleak gara eta horrek gurasoekin harreman zuzena izatea ahalbidetu
digu.
Bestalde, talde konpetitiboak baino, lagun taldeak sortzen saiatzen
gara.
Erregional
mailako talde bana izan dugu, neskena (areto-futbola)
eta mutilena (futbola)». Izan ere, ondo
pasatzea baita kirola egiten jarraitzearen sekretua. «Ez dugu
elitea
begiratzen, argi baitago eliteak alde egiten duela. Seigarren mailatik
aurrera
izaten dira ihesaldi gehienak. Onak direnak klubetara joaten dira eta
ikastolako entrenamenduetara etortzeari uzten diote, askotan gurasoen
baimenarekin, eta gu gainean egon behar gara hori gerta ez
dadin», aitortu digu
Jon Kepak.
Begiraleen maila
Hasieratik
kirol ugari ezagutzera ematea da ikastetxearen
filosofia. Hori dela eta, hirugarren eta laugarren mailetako ikasleek
kirol
jakin bat egiten dute larunbatero, dagokion klub edo federaziorekin
hitzarmena
egin ondoren. Igeriketa, sofbola, atletismoa, mahai-tenisa, errugbia...
Denetarik egin dute.
Etorkizuneko
erronken inguruan galdetuta, berriz, begiraleen maila
hobetu nahi dutela erantzun digu. «Uste dut futbolean dugula
gabeziarik
handiena. Saskibaloian, federazioak ikastaroak antolatzen ditu
oporraldietan
eta ikastaro horiek egiten dituztenak errekurtso gehiagorekin etortzen
dira»
Ikasleen %89k
egiten du kirola Axular Lizeoan.
|
