Mintzalaguna egitasmoa euskara ikasten ari denari laguntza emateko sortutako ekimena da: bi euskara ikasle euskara hitz egiten dakien borondatezko laguntzaile batekin biltzen dira astean behin, ikasleak euskaraz hitz egiteko erraztasuna eta ohitura har dezan.
Donostiako Euskararen Udal Patronatuak lagundu eta Bagera Elkarteak aurrera eramaten duen Mintzalaguna programa arrakastatsua da oso. Urtero euskara ikasle askok ematen du izena baina zailtasunak izaten dira euskara dakiten mintzalaguntzaileak aurkitzeko. Hori dela eta, mintzalaguntzaile izatera animatu nahi zaituztegu.
Euskaraz hitz egiten jakitea eta astean ordubete libre izatea dira bete beharreko baldintza bakarrak.
|
