**

Astelehen goiza

Bi egun pasatuta eskolaz aparte pozik ibili gara igandera arte astelehen goizek aje ugari dakarte horrela pasatuak gara zortzi urte amarentzat bai poza guretzako kalte. Goizean goiz jarrita liburuak prestu autobusa hartzen dut larri eta juxtu fisikako klasean gerade trakestu irakasleak hartzen gaitularik estu guretzat astelehenak bentajarik eztu. Doinua: Antton eta Maria Daniel Goikoetxea

Goizean jaiki eta ohea egin beharra kontuz ibili behar dut delako hau zaharra komunean kendu dut begiko zakarra ikastola joan ta jartzen naiz kaxkarra. Ikastola joan ta gora pertsianak hori egin ondoren egin behar lanak anderñok lepoan jartzen ditu lanak dibertittu egiten gara altxatuz gonak. Doinua: Neska zahar bat tentatzen Itziar Elizondo

Ikastola hasi da ai!, nolako pena, gelan sartzerakoan izan naiz azkena. Euskarako maisua haserre da dena, a! Nolako txinparta andereñoarena; egunikan txarrena dugu astelehena. Igande ondotikan astelehena dator, nire maisuak dio: “ekar lanak bizkor”. Nik egin gabe ditut bada hamaika zigor, maisua dator eta gaur nahiko gogor; hori ez gertatzeko aingerua betor. Doinua: Bizkaiko txerriari... Ramon Salaberria

Aman hitza entzun dut hau da zoritxarra berriz ere hor dator jotzera adarra plantetan hasi naiz ni dudala sukarra baina ez dit sinistu ta jaiki beharra. Astelehen goiza beti izan da mingotza amaren hitza ere da oso zorrotza ohetik irten eta egoten den hotza ezin jasan daiteke dagonean izotza. Olatz Osa

Igande goizetikan pozik dago dena ta hori hondatzen du betiko astelehena logaleaz beterik orraztu melena ta klaseak ematen du logela ederrena. Igandean goizetik ez goaz kalera arratsaldean berriz joan behar ohera astelehen goizetik ohi dugu galera gosaldu ondoretik bagoaz lanera. Idoia Garro

Egun honetan gu denak goiz jaikitzen gera. Hain ongi pasa ta gero aste bukaera. Lehenengo orduan ikasten Euskera. Hau ez al da izaten zakur-biziera. Ikastolara joan ta, egunon ta kaixo. Barrura sartzerakoan, jartzen naiz ni gaixo. Eseri, gauzak atera eta arren ixo. Lanean hasten gerade ikasle ta maixo. Aitor Arbelaitz

Testu Erraza* / Testu Normala** / Testu Zailagoa*** / Testu Zailena****