|
***
Ibai-Matia
-1-
Lehenengo bisita
ikastolan bertan
eraikuntza ikusiz
bideo batetan.
Gero joan behar ginen
beste bi alditan
zer den eta norentzat
Matia benetan.
|
-2-
Intergenerazio
proiektu batean
aritu gara Ibai
Matia artean.
Haurrak interesatuz
bertara artean
baina harritu ziren
haruntz iristean.
|
-3-
Matiara joan ginen
lehenengo aldia
harriduraz ikusiz
bertako guzia.
Galderak erantzunez
haien ausardia
batzuk kontatu zuten
bizitza erdia.
|
-4-
Berriro joan ginen
gu astebetera
han dauden helduekin
jolas egitera.
Elkarrekin jolastuz
guztiok batera
gazteok eta zaharrak
dibertitutzera.
|
-5-
Ipuinen kontaketaz
dena dugu buka
aitona batek zuen
ardura hartuta.
Berari trebezia
ezin zaio uka
haurrok geratu gara
guztiz harrituta.
|
Telebista
|
Gaur egun telebista
ikusten da ugari,
orduak eta orduak
begira berari;
marrazkiak, kirolak
hamaika irudi,
bere aurrean denok
gaude adi-adi.
|
Telebistan daukagu
ikusteko asko,
baina ez jarri dena
ikusteko pronto;
aukeratu ezazu
duzuna gustoko,
eta gainontzekoari
egiozu uko.
|
Neska mutilok maite
dugu telebista,
makina bat programa
beste hainbat artista;
izendatzen hasita
ezin buka lista,
denak ezin ikusi
zaindu behar da bista
|
Testuen Sailkapenerako Kodeak:
Testu Erraza* / Testu Normala** / Testu Zailagoa*** / Testu Zailena****
|
