Zer iruditzen zaizu Sokrates proiektua?
Ainhoa Garate Oso interesgarria iruditzen zait, beste lurraldeetako jendea ezagutu dudalako. Iaz, irailean gure eskolara Polonia, Lituania, Katalunia eta Suediako ikasleak eta irakasleak etorri ziren. Haiekin arratsalde oso bat igaro genuen Donostia erakusten. Otsailean, berriz, gure eskolako lau ikasle eta lau irakasle Poloniara joan ziren.	Jon Ortells Niri ez zait asko interesatzen Sokrates programa. Taldeko irteera bat egin genuen Plaiaundira hegazti migratzaileak ikusteko eta haiei buruz gehiago jakiteko. Txangoa interesgarria izan zen eta asko gustatu zitzaidan. Gabonetan, bestalde, irratsaio berezi bat egin genuen euskaraz eta ingelesez, gure ohiturak ezagutarazteko.

Sarai Lopez Proiektuaren ideia oso ona da, baina, gure ustez, denok gehiago parte hartu behar genuke. Adibidez, Poloniara lau ikasle eta lau irakasle bakarrik joan zitezkeen. Eta pena da, oso interesgarria bailitzateke beste herrietako jendea eta bertako ohiturak ezagutzea.	Monica Díez Niri oso interesgarria iruditzen zait proiektu hau. Aukera ona da jende eta kultura desberdin eta berriak ezagutzeko. Gainera, ingelesez komunikatzea oso dibertigarria da, eta etorkizunerako ere baliagarria. Otsailean Poloniara joan direnek oso lan ona egin dute. Logo bat eta bestelako gauzak egiten aritu dira.

Asis Arruti Proiektu honek gutxi gorabehera lau urte iraungo du. Aurten hegaztiak hartu ditugu gai nagusi gisa, eta zenbait ekintza egin ditugu horren inguruan. Beste herrialdeetako jendearekin gure hizkuntzari, kulturari eta ohiturei buruzko informazioa trukatzea da asmoa. Oso interesgarria iruditzen zait.	Amparo Aranzabal Nire ustez, ez da oso proiektu ona; gutxik izan dute Poloniara joateko aukera. Baina alde onak ere baditu, kanpokoak etorri zirenean, esaterako, oso ondo pasatu genuen gure hiria erakusten eta jende berria ezagutzen. Gainera, jarduera bereziak ere egin ditugu hegaztien gainean.

Ander Cid Niri interesgarria iruditzen zait Sokrates proiektua. Jarduera politak egiten ditugu; adibidez, Plaiaundi parke naturalera joan ginen hegaztiak ikustera, eta gero, informazio horrekin, aurkezpenak egin genituen power pointean. Gainera, aukera ona da bidaia luze bat egiteko.	Maddi Rotaetxe Gure ustez, oso egokia da Sokrates proiektua; beste herrietako pertsonekin hitz egiteko aukera ematen digu. Adibidez, laster posta elektronikoz proiektuko beste kideekin harremanetan jartzeko moduan izango gara. Ikasle guztientzat da proiektua.

Testuen Sailkapenerako Kodeak:
Testu Erraza / Testu Normala / Testu Zailagoa / Testu Zailena